En marcha a tarxeta turística #QuedamosEnGalicia

A partir do mércores 14 de abril, aberto o prazo para solicitar a nova tarxeta turística, que servirá para incentivar o turismo da nosa comunidade.

Publicada no DOG, a resolución para a concesión da tarxeta BONO TURÍSTICO # QuedamosenGalicia21.

Trátase dunha tarxeta prepago, que o solicitante poderá utilizar nos establecementos adheridos ao programa Bono turístico #QuedamosenGalicia21.

Listados de establecementos adheridos 👉 Axencia Turismo de Galicia.

Beneficiarios: persoas físicas maiores de idade, que estean empadroadas nun municipio de Galicia. Non poderán ser beneficiarias as persoas que gozaron do bono na súa anterior edición.

Importe: o importe total da tarxeta será financiado polo beneficiario nun 40% e, pola administración autonómica nun 60%.

  • Tarxeta de 500 € (300 € Xunta – 200 € particular).
  • Tarxeta de 375 € (225 € Xunta – 150 € particular).
  • Tarxeta de 250 € (150 € Xunta – 100 € particular).

Vixencia do programa: ata o 15 de decembro de 2021, data ata a que os beneficiarios da tarxeta prepago poderán realizar pagos nos establecementos adheridos.

Presentación de solicitudes: na Sede electrónica da Xunta de Galicia introducindo o código de procedemento O TU985D.

📌 Prazo de presentación de solicitudes aberto desde mañá 14 de abril ata o día 1 de novembro de 2021.