O Diario Oficial de Galicia publica o venres 9 de xullo unha nova edición das axudas de dixitalización.
Esta nova convocatoria, posta en marcha polo IGAPE, pretende subvencionar proxectos de adaptación á crise ocasionada pola COVID-19, mediante a implementación de tecnoloxías dixitais.
Características
Beneficiarios.
- Pequenas empresas e autónomos (que cumpran a condición de pequena empresa) que desenvolvan a súa actividade en calquera sector de servizos.
- Entidades de economía social.
- Asociacións empresariais e laborais.
Contía. 80%do gasto subvencionable, co límite máximo de 9.600 euros.
Presentación de solicitudes. De forma telemática a través da sede electrónica do IGAPE.
Prazo de presentación de solicitudes. Desde o 10 de xullo e ata o 30 de setembro de 2021.
Prazo de execución do proxecto. Desde o 1 de outubro de 2020 ao 15 de novembro de 2021.
Gastos subvencionables
Promover a adaptación á situación creada polo COVID-19 mediante a implementación efectiva de tecnoloxías dixitais, tales como:
- Control de presenza (cámaras, sensores, sistemas de check- in/ check- out); de capacidade (cámaras, sensores, xestión de citas, xestión de colas); de estado sanitarios (cámaras, pulseiras).
- Control das normas de calidade COVID-19.
- Sistemas e aplicacións de xestión baseados en Low code automation.
- Catálogos diarios efémeros (xestión de pedidos ou comandas).
- Cartelería electrónica (emisión de contidos e mensaxes ao cliente).
- Sistemas de notificación en móbil (contidos electrónicos para hostalería, menús, cartas…)
- Sistemas de balizas.
- Automatización de procesos e tarefas.
- Adaptación de presenza na internet ( bots de conversación autónoma, sistemas de comercio básicos, mellora de catálogo de produtos, atención remota, sistemas pick and go, compra en móbil e recollida en tenda, outros…)
- Solucións de conectividade e incorporación ao teletraballo.
- Mellora da ciberseguridad.
Gastos subvencionables.
- A suma dos gastos, que se detallan a continuación, non superará os 10.000 euros: activos (equipos informáticos, licenzas de software, dispositivos de conectividade en zonas rurais) e subscrición a software.
- O máximo subvencionable será de 4.000 euros en colaboracións externas encamiñadas á adaptación e personalización dos sistemas dixitais.
Máis información
Igape responde, a través do número de teléfono ☎ 900 815 151.