A Asociación de Empresarios Polígono San Cibrao organiza no marco da Orde do 16 de abril de 2021 e, en colaboración coa Consellería de Emprego e Igualdade e o Ministerio de Trabajo y Economía Social, unha nova formación especializada en soldadura con electrodos e TIG.
A formación comezará o próximo 4 de novembro e estará dirigira prioritariamente a persoas traballadoras desempregadas.
Trátase dun certificado de profesionalidade de nivel 2 que inclúe a realización de prácticas en empresas e la posibilidade de solicitar bolsas para o transporte ó lugar de celebración do mesmo.
Datas e duración
- MF0099_2: Soldadura con arco eléctrico con eléctrodos revestidos. 400 hs.
- MF0100_2: Soldadura con arco baixo gas protector con eléctrodo non consumible. 240 hs.
- MP0349: Módulo de prácticas profesionais non laborais. 40 hs.
- Básico de prevención de riscos laborais. 60 hs.
- Inserción laboral, sensibilidade ambiental e na igualdade de xénero. 10 hs.
- Formación para a igualdade. 8 hs.
Características
O alumno deberá cumprir un mínimo do 75% de asistencia de cada un dos módulos formativos que compoñen o curso.
Así mesmo, os alumnos poderán solicitar á administración autonómica, diferentes axudas económicas para sufragar os gastos relativos ao medio de transporte, a conciliación de persoas dependentes …
Requisitos de acceso
Para acceder á formación e, por tratarse dun certificado de profesionalidade de nivel 2, o alumnado deberá posuír algunha das seguintes titulacións, certificacións ou acreditacións:
- Certificado de profesionalidade de nivel 2.
- Certificado de profesionalidade de nivel 1 da mesma familia e área profesional.
- Graduado ou graduada en educación secundaria obrigatoria (LOE).
- Graduado ou graduada en educación secundaria ( LOXSE).
- Título profesional básico (Real decreto 127/2014).
- Superar os módulos obrigatorios dun Programa de cualificación profesional inicial ( PCPI).
- Superar un curso de formación específico para o acceso a ciclos de grao medio en centros públicos ou privado autorizados pola Administración educativa.
- Ter superada a proba de acceso aos ciclos formativos de grao medio.
- Título de técnico auxiliar (FP1).
- Título de técnico (ciclo formativo de grao medio).
- 2º de BUP cun máximo de dúas materias pendentes entre os cursos de 1º e 2º de BUP.
- 2º curso do primeiro ciclo experimental de reforma dos ensinos medios ( REM).
- Título de técnico deportivo.
- Título de técnico de artes plásticas e deseño.
- Oficialía industrial.
- Título de técnico militar.
- Tres cursos comúns do plan de 1963 ou 2º curso de comúns experimental, dos ensinos de artes aplicadas e oficios artísticos.
- Dous cursos comúns do plan experimental do ano 1984 (Artes aplicadas e oficios artísticos).
- Ter superada a proba de acceso á universidade para maiores de 25 anos ou para maiores de 45 anos.
- Outros estudos declarados equivalentes a efectos académicos con algún dos anteriores.
- Calquera titulación, certificación ou acreditación que de acceso aos certificados de profesionalidade de nivel 3 de cualificación.