Desde a Consellería de Sanidade e o Centro Integrado de Atención ás Emerxencias (CIAE) lanzan as seguintes recomendacións para minimizar os riscos o máximo posible:
RECOMENDACIÓNS
- Beber máis líquido do habitual sen esperar a ter sede, sobre todo auga e zumes de froita lixeiramente fríos.
- Comer froitas e verduras evitando as comidas copiosas.
- Usar roupa de tecidos naturais, lixeira, folgada e de cores claras. Calzado fresco e que transpire.
- Durante o día, baixar as persianas e pechar as ventás, abríndoas pola noite para refrescar.
- Evitar realizar actividades nas horas máis calorosas, reducindo a actividade física.
- Non se deberá deixar no interior dos vehículos nin a nenos nin a persoas maiores. Tampouco a ningún animal de compañía.
- Uso de cremas de protección solar, usando as de maior protección posible.
- Protexer os ollos con lentes de sol e cubrir a cabeza con sombreiros.
Así mesmo, debe extremarse a precaución coas persoas de risco, nenos e nenas menores de cinco anos, persoas de idade avanzada ou con enfermidades crónicas.
Realizar seguimento de parentes ou veciños que vivan sós para comprobar que o seu estado de saúde é o habitual.
Poden acceder á ligazón das recomendacións da Xunta de Galicia aquí e seguir as actualizacións da páxina web do CIAE 112.