A presentación da quinta edición de ViaExterior na sede da Asociación de Empresarios de San Cibrao serviu para que moitas empresas puxesen as miras en novos mercados.
A iniciativa do Consorcio da Zona Franca de Vigo ofrecerá asesoramento e formación para favorecer o seu proceso de internacionalización.
Do total de candidaturas presentadas seleccionaranse 20 compañías galegas ás que se dirixirá o programa durante un período de sete meses.
Contará con tres fases relacionadas con: estratexia, aceleración e financiamento
O prazo para a inscrición de candidaturas remata o 30 de setembro.
Novos horizontes de mercado
O presidente da Asociación de Empresarios de San Cibrao, José Antonio Rodríguez Araújo, asegurou que iniciativas como ViaExterior son as que deben ofrecerse aos empresarios para abrir novos horizontes de mercado:
“A iniciativa do Consorcio da Zona Franca de Vigo é acelerar e aumentar o éxito da internacionalización das empresas galegas, un valor engadido para as compañías nestes tempos convulsos que de novo tócannos vivir. ViaExterior é un exemplo do camiño que debemos seguir para apoiar aos empresarios, brindándolles asesoramento e formación para seguir crecendo”.
Tamén lembrou Rodríguez Araújo que o estudo “O polígono en cifras”, realizado en colaboración coa Universidade de Vigo e a Deputación de Ourense, presenta datos significativos no que se refire á internacionalización das empresas.
Así, 3 de cada 4 compañías do polígono de San Cibrao que comercializan os seus produtos nos mercados internacionais foron capaces de manter ou incrementar o seu volume de exportacións a pesar da covid-19.
O experto Antonio de la Cruz, explicou con detalle os obxectivos da iniciativa e animou ás empresas a participar para obter unha valiosa formación e asesoramento para a internacionalización.
Lembrou que moitas empresas xa se beneficiaron en edicións anteriores.
Non en balde, máis dun centenar de compañías participaron xa e o 90% logrou entrar, polo menos, nun novo mercado.