Cidade do transporte
A Cidade do Transporte, situada no Polígono de San Cibrao, é un espazo pechado e vixiado que albergará a futura estación intermodal, concibida como un nó loxístico estratéxico para a combinación eficiente do transporte por estrada e ferrocarril.
Conta cunha superficie total próxima aos 350.000 metros cadrados, dos cales máis de 125.000 metros cadrados están destinados a 19 parcelas para a implantación de empresas vinculadas ao sector loxístico e do transporte.
A Cidade do Transporte dispón de servizos comúns xa operativos, como subministración eléctrica, iluminación pública, televixilancia, rede de telefonía e telecomunicacións, abastecemento de auga, saneamento, pluviais, rede contra incendios, seguridade privada e un parking específico para camións, que facilita o estacionamento seguro e ordenado de vehículos pesados.
A súa posición privilexiada convértea nun enclave especialmente atractivo para aquelas empresas cun alto volume de recepción e distribución de mercadorías, tanto por estrada como por ferrocarril, que desexen instalarse na zona industrial de San Cibrao das Viñas.
Mapa interactivo de parcelas XESTUR
👉 Accede ó mapa interactivo de parcelas da Cidade do Transporte.