No ano 1979 nace a Asociación de Empresarios Polígono San Cibrao baixo o nome da Asociación de Propietarios de Parcelas do Polígono Industrial de San Cibrao das Viñas, coa finalidade principal de defender os intereses comúns e xenerais dos empresarios situados neste polígono.

No seu inicio configurouse a través dun pequeno grupo de propietarios de parcelas que buscaban o apoio da Administración e a consecución de servizos básicos e infraestruturas necesarias para fomentar o desenvolvemento desta zona industrial. As oficinas estaban situadas nuns locais da praza Paz Novoa, e a sala de xuntas de Uteco utilizábase como como salón de actos e reunións.

No ano 1983 a asociación trasládase ao Polígono San Cibrao e instálase nos locais da Caixa de Aforros, ofrecendo servizos como o estanco, a oficina de correo, cafetería e seguridade.